Shtazët shtëpiake

Kush jeton në një banesë me qira, në çdo rast guxon të mbajë kafshë të vogla, si derra deti, kastorë, kanarina apo peshq. Por, mbajtja e kafshëve më të mëdha (përfshirë macet apo qentë e vegjël) mund të jetë e ndaluar në kontratën e qerasë. Edhe kafshët që shkaktojnë zhurmë apo janë të rrezikshme, qiradhënësit mund t'i ndalojnë. Përveç kësaj duhet që mbajtëset dhe mbajtësit e kafshëve ta respektojnë ligjin për mbrojtjen e kafshëve. Për shembull, disa kafshë të veçanta nuk guxon t'i mbaj vetëm (p.sh. lepujt). Ka gjithashtu rregulla për madhësinë dhe paisjen e kafazit. Shumë shtazë (shtazë ekzotike) nuk guxojnë fare të sillen në Zvicër. Për disa të tjera nevojitet një leje speciale nga Enti i Veterinarisë.

Në kantonin e Aargaut është një ligj special për qentë. Ai përcakton detyrimet e pronarëve të qenve. Më shumë informacione mund të jep mjeku apo mjekja e shtazëve.

• Të gjithë qentë në Zvicër duhet të shënjohen me një mikroçip dhe të jenë të regjistruar në një bazë të dhënash. Qeni ka një letërnjoftim për qenë (format i kartës për kredi). Ky nuk është identik me letërnjoftimin për shtazët shtëpiake, i cili nevojitet nëse dëshirohet të udhëtohet me shtazë në vendet e Bashkimit Evropian.
• Qentë duhet të jenë të lajmëruar në komunën e vendbanimit. Për secilin qenë duhet paguar një taksë vjetore.
• Të gjithë mbajtësit e qenve duhet ta marrin dhe të përkujdesen për jashtëqitjen e qenit të tyre. Kush nuk e bënë këtë, mund të gjobitet.
• Për disa raca qenshë nevojitet një leje e posaçme (p.sh. për pitbull apo rottweiler).